Ůӟó

Pwrpas ein Haddewid Partneriaeth yw cryfhau’r cysylltiadau gyda diwydiant a rhoi hwb i ymgysylltiad gyda chyflogwyr, er mwyn helpu i fodloni blaenoriaethau sgiliau rhanbarthol, cefnogi canlyniadau myfyrwyr a’r economi leol.

Mae effaith Covid-19 ar ddysgwyr a busnesau yn rhanbarth Gwent wedi bod yn llethol, ac rydym yn cydnabod y gallai newid ffyrdd o weithio a’r galw am sgiliau yn y dyfodol. Wrth i ni symud ymlaen, mae Ůӟó eisiau chwarae rhan allweddol o ran bodloni’r gofynion hyn.

Mae’r Addewid yn ceisio cefnogi cyflogwyr yn ein rhanbarth i weithio’n agosach gyda’n coleg, er mwyn paratoi myfyrwyr ar gyfer gwaith a phontio’n llwyddiannus o’n coleg ni i’r gymuned fusnes leol.

Fel y darparwr AB mwyaf yn rhanbarth Gwent, gyda champysau yng Nghasnewydd, Torfaen, Blaenau Gwent, Sir Fynwy a Chaerffili, rydym yn cydnabod y pwysigrwydd o ymgysylltu’n weithredol a gweithio gyda chyflogwyr a rhanddeiliaid lleol.

Bydd Addewid ‘Partneriaeth’ Ůӟó yn cynnig llwyfan lle bydd ein myfyrwyr, busnesau ac addysg yn ymgysylltu er budd yr ardal leol.

Ein bwriad, trwy’r addewid, yw adeiladu ar ein cysylltiadau gyda diwydiant ymhellach, rhoi cyflogwyr wrth wraidd ysbrydoli, hysbysu a chyfathrebu’n uniongyrchol gyda’n myfyrwyr, arddangos llwybrau gyrfaol a’r cyfleoedd cyffrous sydd ar gael ym myd gwaith.

Defnyddir mwy nag un dull wrth i gyflogwyr ymgysylltu gyda’n coleg. Rydym yn awyddus i ddatblygu partneriaethau newydd ac yn barod i roi cynnig ar amrywiaeth o ffyrdd arloesol a chyffrous o weithio gyda sefydliadau i greu cyd-fuddiannau.

Gellir ymuno â’r Addewid AM DDIM, a byddwch yn helpu i gryfhau ein hymgysylltiad gyda phartneriaid yn y diwydiant, a darparu cyfnewidfa ddwy ffordd o syniadau a gwybodaeth i alluogi busnesau a Ůӟó i gydweithio.

Croesawir cyfraniadau gan bob cyflogwr, pa un ai eich bod yn sefydliad mawr, BBaChau neu fusnes micro. Isod, rydym wedi amlinellu’r amrywiaeth o weithgareddau a mentrau sydd, yn ein barn ni, yn cynnig cyfle i gyflogwyr weithio gyda Ůӟó. Drwy gofrestru, bydd cwmnïau’n ymrwymo i’n Haddewid Partneriaeth ac yn barod i gymryd rhan mewn un, neu fwy, o’r gweithgareddau hyn dros gyfnod o 3 blynedd.

1. Mynychu ffeiriau swyddi, prentisiaethau, mewnwelediadau a gyrfaoedd
2. Cynnig gwaith, lleoliad gwaith gyda diwydiant, interniaethau, prosiectau byw ac ymweliadau â safleoedd
3. Gwneud cyflwyniadau cyflogwyr, darlithoedd gan westai o’r sector, dosbarthiadau meistr a sesiynau blasu
4. Cefnogi gweithdai sgiliau cyflogadwyedd – cyflwyniad ar cv, ceisiadau a chyfweliadau ffug
5. Ymwneud â chynllunio a datblygu cwricwlwm
6. Ymuno â fforymau a rhwydweithiau cyflogwyr
7. Beirniadu cystadlaethau a gwobrau
8. Hyrwyddo swyddi, cyfleoedd gwaith a recriwtio myfyrwyr
9. Hyfforddi eich gweithlu a DPP staff drwy’r coleg
10. Cyflogi Prentisiaid