Ůӟó

Llongyfarchiadau i'r dysgwyr hynny sydd wedi cael eu canlyniadau TGAU a BTEC Lefel 2 heddiw! Yma yn Ůӟó, rydyn ni'n dathlu cyfraddau llwyddo gwych dosbarth 2022. Eleni, rydyn ni wedi gweld cyfradd lwyddo arbennig o 92.5% ar gyfer Mathemateg TGAU, a chyfradd lwyddo ragorol o 85.4% ar gyfer Saesneg TGAU hefyd.

Am ddiwrnod y bu hi i Ůӟó! O’r diwedd mae’r holl ddisgwyl ar ben wrth i ddysgwyr a staff ddathlu blwyddyn anhygoel arall o ganlyniadau Safon Uwch a BTEC yn un o’r colegau sy’n perfformio orau yng Nghymru.

Mae cystadlaethau hir ddisgwyliedig WorldSkills UK yn cael eu cynnal unwaith eto ar gyfer 2022, ac rydym yn falch iawn o gyhoeddi fod Ůӟó ar frig bwrdd arweinwyr Cymru eleni, wrth i ddysgwyr 22 gyrraedd Rowndiau Terfynol Cenedlaethol WorldSkills UK!

Mae'r Addewid Partneriaeth Cyflogwr yn parhau i dyfu a datblygu wrth nesáu at ei ben-blwydd cyntaf eleni. Ym mis Mehefin, cynaliasom ddigwyddiad rhwydweithio ar gyfer cyflogwyr ar safle cwmni sydd newydd gofrestru gyda ni, Tiny Rebel Brewery.

Y llynedd, enwyd Ůӟó yng Ngwobr Coleg y Flwyddyn yn y Gwobrau Amgylcheddol Cenedlaethol cyntaf, ac rydym yn falch o fod yn llysgenhadon yr amgylchedd. Felly, rydym yn parhau i hyrwyddo cynaliadwyedd a'r amgylchedd ac rydym yn falch o noddi y Wobr Entrepreneur Amgylcheddol Cenedlaethol eleni.

Ar 16eg Gorffennaf, cynhaliwyd digwyddiad cyffrous ar draws y coleg ar gyfer dysgwyr Sgiliau Byw'n Annibynnol (ILS) - Gŵyl Sgiliau Byw'n Annibynnol 2022! Cafodd yr holl staff a dysgwyr ILS o'n 5 campws  eu gwahodd i'r caeau chwarae tu ôl i Barth Dysgu Torfaen yng Nghwmbrân, am ddiwrnod i ddathlu'r gymuned ILS a chymryd rhan mewn ystod o weithgareddau cynhwysol.